Siglir tar il cuntegn
Inhalt

Exteriur Cunvegna d'armas tranter l'USA e l'Arabia Saudita

Sin ses emprim viadi a l’exteriur visita il president american Donald Trump actualmain l’Arabia Saudita. L’emprim di da sia visita han ils dus pajais suttascrit cunvegnas d'armas.

Donald Trump survegn ina chadaina d'aur dal retg Salman da l'Arabia Saudita.
Legenda: Donald Trump visita il retg Salman da l'Arabia Saudita. Keystone

Ils Stadis Unids e l'Arabia Saudita èn sa cunvegnids ad ina fatschenta d'armas gigantica. La cunvegna da prest 110 milliardas dollars duaja garantir a lunga vista la segirezza da l'Arabia Saudita e da la regiun dal Golf areguard las smanatschas da l'Iran, uschia communitgescha la Chas'Alva.

Entaifer ils proxims diesch onns duai l’Arabia Saudita schizunt cumprar armas da l’USA per 350 milliardas dollars. Tenor la Chas’Alva saja quai la pli gronda fatschenta d’armas en l’istorgia das Stadis Unids da l’America.

I sa tracta dad ina da las pli grondas fatschentas d'armas tranter ils dus pajais. Il president american - Donald Trump è il mument en l'Arabia Saudita sin ses emprim viadi a l'exteriur.

RR novitads 17:00