Cuntrabandists da fugitivs han colliaziuns en Svizra

Quai rapportan la Sonntagszeitung e Le Matin Dimanche. Las gasettas han analisà da passa 1'200 paginas d'actas davart cuntrabandists en l'Italia e fatg intervistas cun fugitivs.

Ina bartga surchargiada cun passà 700 fugitivs sin la Mar Mediterrana. Els vegnan spindrads da gidanters talians.

Legenda da maletgs: Ina bartga surchargiada cun passà 700 fugitivs sin la Mar Mediterrana. Els vegnan spindrads da gidanters talians. Keystone

Tenor las inquisiziuns fatgas da las autoritads talianas, hajan schefs da cuntrabandists da l'Africa dal nord e da l'ost parents u commembers da lur bandas en Svizra. Plirs dad els hajan inoltrà ina dumonda d'asil.

En l'Italia è in cuntrabandist vegnì condemnà e tschintg spetgan anc sin lur process. En Svizra percunter n'hai anc dà nagins process. Era n'haja la Svizra fin uss gì da far nagut cun las inquisiziuns en l'Italia, uschia il manader da la Taskforce svizer per il cumbat cunter cuntrabandists envers la Sonntagszeitung.

RR novitads 12:00