Siglir tar il cuntegn

Header

Navigaziun

Ina balla, en il fund il logo da la FIFA.
Legenda: La bloccada da Blatter e Platini vala l'emprim per 90 dis e po vegnir prolungada per fin 45 dis. Keystone
cuntegn

Exteriur Cunfins per il president futur da la FIFA

La FIFA duai limitar il temp d'uffizi da ses president sin 12 onns, ed il president dastga en l'avegnir avair sin il pli 74 onns. Quai èn duas propostas dal comité da refurma da la Federaziun internaziunala da ballape.

Il comité executiv da la FIFA beneventa questas propostas, ed el vul decider davart quellas a chaschun da sia proxima seduta il cumenzament da december.

Plinavant ha il comité executiv da la FIFA annunzià, che l'elecziun dal president succeda sco planisà ils 26 da favrer. Suenter las ultimas suspensiuns en il scandal da la FIFA era quai vegnì speculà che l'elecziun vegnia spustada.

La candidatura dal president da l'UEFA, Michel Platini, vala sco sclausa, cunquai ch'i dat in check d'integritad dals candidats suenter ch'il termin d'annunzia scada ils 26 d'october.

RR novitads 14:00/15:00