Siglir tar il cuntegn

Header

cuntegn

Exteriur Cun Jonathan Demme perda Hollywood in grond reschissur

Il reschissur american Jonathan Demme, daventà enconuschent cun il film 'Das Schweigen der Lämmer', è mort.

Il cineast saja mort en la vegliadetgna da 73 onns en sia abitaziun a New York, ha ditg sia pledadra a l'agentura da novitads dpa. El haja patì da cancer dal schiliez.

Regordanzas sin l'internet

“Jonathan Demme era in grondius artist, benefactur, activist ed in collega che sa gidava”, ha il reschissur Ron Howard scrit sin Twitter. El vegnia a mancar. E per l’actur Tom Hanks è Demme stà in dals pli grondius carstgauns. Ella haja mussà quant grond ch’il cor d’in uman possia esser, a Hanks ditg a la pagina d’internet People.com.

Ina vasta paletta da films

Jonathan Demme è naschì l’onn 1944 en il stadi federal New York ed ha lavurà blers onns sco reschissur, actur e producent. Dasper ses pli grond success ‘Das Schweigen der Lämmer’ ha era il drama davart sida ‘Philadelphia’ recaltgà premis sco Oscars e Golden Globes. La rolla d’in malsaun da sida ha purtà a Tom Hanks il 1994 in Oscar.

Jonathan Demme ha era fatg plirs films sur da e cun musicists, uschia ‘Stop Making Sense’ cun ils Talking Heads e films davart The Pretenders, Bruce Springsteen e Neil Young.

RR novitads 20:00

Artitgels legids il pli savens