Cumond d'arrest internaziunal cunter oligarch russ Chodorkowski

Ina dretgira russa ha decretà in cumond d'arrest internaziunal encunter l'anteriur oligarch Michail Chodorkowski. Quai rapporta l'agentura da novitads russa «Ria Nowosti» che sa referescha a l'autoritad responsabla.

purtret chodorkowski

Legenda da maletgs: L'anteriur oligarch e manader da fatschentas d'ieli russas, Michail Chodorkowski, viva dapresent en Svizra. Keystone

Mardi era vegnì enconuschent che las autoritads russas hajan perquirì biros da la fundaziun «Open Russia» da Chodorkowski. Questas novas acziuns da la giustia èn en connex cun in cas da privatisaziun dal 2003. Tenor il stadi russ ina privatisaziun illegala dad in'interpresa da miniera e ladim.

L'entschatta december aveva la polizia reprendì in cas pli vegl. I duai dar cumprovas che Chodorkowski haja instradà il mordradetsch dal burgamester da la citad sibira Neftejugansk.

Chodorkowski refusescha tut las reproschas. Quellas sajan politicamain motivadas. El viva dapi il 2013 en Svizra.

RR novitads 12:00