Siglir tar il cuntegn
Inhalt

Exteriur Cumond d’arrest cunter 3 anteriurs managers da l’UBS

En Frantscha han las autoritads giudizialas sco ch’i para relaschà in cumond d’arrest per 3 anteriurs managers da la banca gronda UBS, quai rapporta l’agentura da novitads AFP sa referind sin funtaunas da circuls da giustia.

Vista da sut si sin in bajetg da la banca UBS.
Legenda: La banca UBS n'ha betg commentà ils rapports da medias franzosas. Keystone

La raschun è ch’ils managers na sajan betg s’annunzià sin ina citaziun. La UBS n’ha betg vulì commentar las infurmaziuns. Il 2012 aveva la giustia franzosa instradà las inquisiziuns cunter la banca gronda pervi d’agid probabel a l’omissiun fiscala.

Extendì las inquisiziuns

Il fanadur da l’onn passà eran questas inquisiziuns vegnidas extendidas sin ina procedura pervi da lavada da daners. En vista ad in chastì probabel era l’UBS vegnida sfurzada da deponer ina cauziun da 1,1 milliardas euros.

RR novitads 14:00