Siglir tar il cuntegn

Exteriur Cumissiun da l'UE crititgescha mancanzas dals cunfins da l'UE

La cumissiun da l'Uniun europeica crititgescha fermamain las mancanzas tar la protecziun dals cunfins exteriurs da l'UE. Tenor in document da la cumissiun - publitgà da la gasetta «Die Welt» - hai dà tranter il schaner ed il november da quest onn 1,28 milliuns traversadas illegalas dals cunfins.

Migrants da l'Africa dal Vest en viadi datiers dal vitg Udovo en la Macedonia.
Legenda: Migrants da l'Africa dal Vest en viadi datiers dal vitg Udovo en la Macedonia. Keystone

En il document pretenda la cumissiun da l'UE ina politica ferma e cuminaivla per segirar ils cunfins exteriurs. Quintà ensemen ils onns 2009 fin 2014 avevan las autoritads da l'UE dumbrà 813’044 traversadas illegalas.

Spazi da Schengen è periclità

En quest connex constatescha la cumissiun da l’UE, che persunas da stadis terz pon traversar il cunfin exteriur da l’UE a moda illegala. Suenter pon els cuntinuar lur viadi, senza vegnir identifitgads, registrads u controllads areguard la segirezza. Quai fatg mettia en dumonda la cumplettezza dal spazi da Schengen.

RR novitads 08:30