Siglir tar il cuntegn

Header

cuntegn

Exteriur Cumissiun da concurrenza prenda en mira reclama da VW

En l'inquisiziun cunter il concern d'autos Volkswagen pervi dal scandal da svapur intervegna in'ulteriur’autoritad americana. La cumissiun da concurrenza FTC prenda en mira la campagna da reclama per ils autos da diesel pertutgads dal scandal.

Las inquisiziuns cunter VW vegnian coordinadas cun quellas dal ministeri da giustia american e l'autoritad per la protecziun da l'ambient, ha declerà in pledader da la cumissiun da concurrenza FTC (Federal Trade Commission).

Reclama schubra per autos schuffs

La FTC po ordinar chastis pervi d'empermischuns da reclama engianusas. Durant plirs onns aveva VW fatg reclama per lur autos cun il slogan “Clean-Diesel”, pia diesel schuber; quai per autos cun valurs da svapur manipuladas.

Manipulaziun da valurs dapi 2009

Mez settember aveva VW concedì d'avair installà en ils Stadis Unids ina software illegala per manipular las valurs da svapur dals vehichels dapi il 2009.

RR novitads 06:00

Artitgels legids il pli savens