Cumissari da fugitivs pretenda «New Deal» per la Siria e vischins

Per ils pajais vischins da la Siria che prendan si la gronda part dals fugitivs dovri urgentamain in program d'investiziun. Quai ha pretendì il cumissari da fugitivs da l'ONU António Guterres.

António Guterres, il cumissari da fugitivs da l'ONU.

Legenda da maletgs: António Guterres, il cumissari da fugitivs da l'ONU. Keystone

Sche quai na capitia betg, cuntinueschia la fugia vers l'Europa. I dovria investiziuns massivas en il Libanon, la Jordania e la Tirchia per gidar las regenzas e per proteger ils fugitivs da la miseria. Plinavant vegnian ils custs per la reconstrucziun en la Siria adina pli gronds.

Il president american Barack Obama planisescha per il 2016 in inscunter en connex cun la problematica da fugitivs.

RR novitads 07.00