Siglir tar il cuntegn

Exteriur Cumià da Guido Westerwelle

A Cologna en Germania è vegnì sepulì l’anteriur minister da l’exteriur Guido Westerwelle. Numerus confamigliars, amis e cumpogns politics èn ids suenter bara.

In purtret da Westerwelle e ses um sin in cudeschet da chant.
Legenda: Guido Westerwelle e ses um - algordanza sin il cudesch da chant dal servetsch divein ecumenic a Cologna. Keystone
Angela Merkel al funeral.
Legenda: Keystone
La Germania ha pers in uman ed in politicher spezial.
Autur: Angela MerkelChanceliera federala tudestga

En ses pled funeber ha la chanceliera Angela Merkel undrà a Westerwelle e ditg, ch’el vegna a mancar ad ella era sco persuna da confidenza fidaivla.

Al servetsch divin ecumenic èn sa participads tranter auter il president da la Germania, Joachim Gauck, ed il president da la cumissiun da l’UE, Jean-Claude Juncker, sco era l’actura tudestga Veronica Ferres e la chantadura Vicky Leandros.

Guido Westerwelle era mort avant duas emnas en la vegliadetgna da 54 onns suenter greva malsogna.

RR novitads 17:00