Siglir tar il cuntegn
cuntegn

Exteriur Cumbatter la corrupziun en la Nigeria

En il cumbat cunter la corrupziun ha il nov president da la Nigeria, Muhammadu Buhari, relaschà 93 ambassadurs.

Muhammadu Buhari.
Legenda: Il president da la Nigeria, Muhammadu Buhari. Reuters

Tenor Buhari erian quels be vegnids nominads pervi da lur loialitad envers ses antecessur Goodluck Johnatan.

Ambassadurs da l'entir mund èn pertutgads

Tranter ils relaschads tutgian tranter auter ils ambassadurs dals Stadis Unids, da la Gronda Britannia ed dal Canada. Er l'ambassadura nigeriana en Svizra sto dar giu ses uffizi, sco quai ch'il Departament federal da l'exteriur ha confermà.

Buhari era vegnì elegì cun si’empermischun da far ina fin a la corrupziun aifer la politica nigeriana.

Situaziun economica è precara

La Nigeria è la pli grond'economia publica e l’impurtant producent dal continent african. Il bas pretsch da l’ieli ha dentant manà ad entradas publicas drasticamain pli bassas. Perquai è il president Buhari sfurzà da far passar mesiras da spargn.

RR novitads 16:00