Siglir tar il cuntegn

Header

cuntegn

Exteriur Cumbatter da cuminanza propaganda per terror en l'internet

Da far propaganda per terror en l'internet na duai betg esser uschè simpel. Perquai vulan Facebook, Twitter, Youtube e Microsoft collavurar en il futur.

Ils concerns d'internet vulan che maletgs u films extremistics svaneschan pli spert da lur paginas e che quai succedia a moda pli automatica che fin ussa. Perquai han ils concerns annunzià da construir in register cuminaivel da cuntegns extremists en l'internet. Las datas en quest register duain lura vegnir barattadas. Ins pudess uschia evitar che mintga servetsch dad online sto adina da nov tschertgar maletgs u films extremistics per stizzar els.

Las firmas sco Facebook e Twitter vegnan adina puspè crititgadas da derasar propaganda per terror. Questa collavuraziun pudess gidar, che tals maletgs e videos svanissan bler pli spert da la rait.

RR novitads 06:00

Artitgels legids il pli savens