Siglir tar il cuntegn

Header

Navigaziun

In char armà dals rebels en l'ost da l'Ucraina.
Legenda: L'inscunter suprem planisà n'interessescha betg ils rebels en l'ost da l'Ucraina, els cumbattan vinavant. Reuters
cuntegn

Exteriur Cumbats cuntinueschan

En lost da l'Ucraina cuntinueschan ils cumbats era paucs dis avant l'inscunter suprem planisà.

Tenor l'armada ucranaisa èn morts 9 schuldads las ultimas 24 uras, 26 èn blessads. Fitg grevs cumbats haja dà enturn il lieu Debalzewe en il nordvest da Donezk. Debalzewe è cumbattì pervi da sia muntada strategica sco center da traffic.

Ils ministers da l'exteriur da l'UE discuteschan il mument a Brüssel sch'il vest duai furnir armas a l'Ucraina. Plinavant vegn decidì sche las sancziuns en connex cun il conflict en l'Ucraina duain vegnir extendidas.

(RR novitads 12:00)