La senatura da la California, Kamala Harris duai daventar vicepresidenta dals Stadis Unids, en cas che Joe Biden guogna l'elecziun. Quai ha Biden communitgà il mardi saira via Twitter. Igl è l'emprima giada ch'ina dunna betg-alva pudess daventar vicepresidenta.
Harris ha 55 onns. Ell' è sezza gia stada candidata per il presidi american ed era pli baud procuratura publica. Ella vala sco agressiva – quai che vegn apprezià en il cumbat electoral tar candidats per il vicepresidi.
