Siglir tar il cuntegn
cuntegn

Exteriur Cumbat da pussanza en l'Austria

En l'Austria duai la coaliziun da la partida socialdemocratica SPÖ e la partida populara ÖVP vegnir schliada anticipadamain.

Il nov schef da la ÖVP Sebastian Kurz discurra suenter sia elecziun sco schef da partida.
Legenda: Il nov schef da la ÖVP Sebastian Kurz suenter sia elecziun sco schef da partida. Keystone

El haja en mira ina cunvegna communabla cun la SPÖ per pudair schliar la coaliziun,ha ditg il minister da l'exteriur austriac Sebasian Kurz da la ÖVP a Vienna. La ÖVP aveva avant elegì Kurz sco nov schef da partida. Tant Kurz sco era il chancelier austriac e schef da la SPÖ Christian Kern pledan per elecziuns dal parlament anticipadas anc quest atun. Tuttas duas partidas han il davos temp pers pli e pli blers votants. La collavuraziun tranter la partida populara e la partida socialdemocratica è ultra da quai disturbada da dispittas. Il chancelier austriac Christian Kern aveva gia il schaner dà in ultimatum a la ÖVP: U che la partida collavuria megler u ch'el vegnia a schliar la coaliziun, aveva admonì Kern.

RR Novitads 23:00