Cumpromiss – quai na vul l'Uniun europeica betg far en connex cun il cumbat da dazis cun ils Stadis Unids. I sa tractia da «pur protecziunissem» ed ella insistia ch'ella vegnia excludida dals dazis per immediat.
Nus na vain offrì nagut als Stadis Unids e na vegnin er betg ad offrir insatge.
Negoziar u quintar cun replica
Sch'ils Stadis Unids n'avessan dentant betg d'ademplir la pretensiun, ston els quintar cun ina replica: L'Uniun europeica smanatscha cun dazis da retorsiun. Quests pudessan per exempel ir en vigur per whisky, motos u jeans. Ed era ulteriuras negoziaziuns cun ils Stadis Unids duai pir dar, sche L'Uniun europeica cuntanscha sia finamira d'esser deliberada dals dazis.
Ils Stadis Unids e l'Uniun europeica negozieschan per il mument davart eventuals dazis da multa per l'Uniun europeica. Pertge l'Uniun europeica è mo fin il prim da matg deliberada da dazis.
RR novitads 15:00