Siglir tar il cuntegn

Header

Navigaziun

Il logo da la Credit Suisse sin in bajetg.
Legenda: In adretgira americna refusa ina part da las rinfatschas cunter la Credit Suisse. Keystone
cuntegn

Exteriur CS paja probabel pli pauc che spetgà

Ina dretgira americana refusa ina part da las renfatschas cunter la Credit Suisse, la Deutsche Bank e 5 ulteriurs instituts. Quai en il process davart las manipulaziuns sin il martgà da devisas.

En il cas pervi da manipulaziuns sin il martgà da devisas ha ina derschadra dals Stadis Unids refusà ina part da las rinfatschas cunter la Credit Suisse, la Deutsche Bank e tschintg ulteriuras bancas.

Là giaja tranter auter per plants da cartel en connex cun transacziuns ch'èn vegnidas fatgas ordaifer ils Stadis Unids ed avant l'emprim da december 2007, communitgescha la dretgira. Cun ils auters puncts da l'accusaziun cuntinueschi il cas dentant.

I vegn suspectà che bleras bancas èn sa participadas vid las manipulaziuns sin il martgà da devisas. Il matg 2015 era gia l'UBS sa cunvegnida cun las autoritads americanas, quai cun pajar in chastì da 342 milliuns dollars.