CS paja 110 milliuns dollars per evitar plant

La banca gronda Credit Suisse ha reglà ina dispita giuridica cun investiders en ils Stadis Unids. Els sajan sa cunvegnids da pajar 110 milliuns dollars a la gruppa.

logo da credit suisse

Legenda da maletgs: Il Credit Suisse sa cunvegna a 110 milliuns dollars per evitar il plant dals investiders. Keystone

Sco quai che la Credit Suisse communitgescha vinavant, haja ina dretgira en ils Stadis Unids gia approvà provisoricamain la cunvegna. Oriundamain vulevan ils investiders purtar plant collectiv cunter la banca. Quai en connex cun la crisa d'ipotecas marschas il 2008. Uschia era questa gruppa d'investiders tranter ils pli emprims ch'han prendì pass giuridics cunter bancas en la crisa d'ipotecas.

RR novitads 06:00