Siglir tar il cuntegn

Exteriur CS: 9,7 milliuns per Tidjane Thiam

Il schef da la Credit Suisse ha gudagnà 9,7 milliuns francs il 2017. L'onn avant eran 10,24 milliuns francs ids en sia giaglioffa.

Tidjane Thiam.
Legenda: Bunificaziun hai il 2017 dà nagina per Tidjane Thiam. Keystone

Quest onn hai dà nagina bunificaziun per Tidjane Thiam. Uschia ha el anc gudagnà 9,7 milliuns.

Ch'ins desistia totalmain da la bunificaziun è stà ina pretensiun da l'uniun dal persunal da bancas svizras. Ina bunificaziun fissia tenor l'uniun dal persunal da bancas svizras stada senza respect. Quai areguard la gronda sperdita ed in manaschi pauc precaut. Il 2017 ha la Credit Suisse fatg ina sperdita da 983 milliuns.

Gia il 2016 adattà il sistem

Er il 2016 avevan ins gia reducì la bunificaziun suenter ch'il sistem da pajament da la segund gronda banca svizra era vegnì crititgà fermamain. Uschia avevan ins reducì la bunificaziun per 40% e sminuì la paja da 11,9 milliuns francs sin 10,24 milliuns francs.

En connex cun la critica hajan ins dentant betg mo adattà las pajas ils davos dus onns, mabain adattà l'entir sistem da bunificaziun. Quel entra en vigur il 2018.

RR novitads 09:00