Siglir tar il cuntegn

Header

Navigaziun

maletg da fans dal candidat american Donald Trump
Legenda: Trump ha definitivamain dumagnà ses adversari Ted Cruz. Keystone
cuntegn

Exteriur Cruz dat si - via libra per Donald Trump

Suenter sia terrada a las preelecziuns en il stadi Indiana sa retira Ted Cruz dal cumbat. Uschia è tant sco decidì che Donald Trump è il candidat dals Republicans per il presidi american. Tar ils democrats maina vinavant Hillary Clinton, malgrà ch'ella ha pers ad Indiana cunter Bernie Sanders.

Il candidat republican Donald Trump ha gudagnà cleramain las preelecziuns en Indidana. Ses rival Ted Cruz ha declerà suenter la terrada ch'el sa retiria dal cumbat electoral. El na vesia nagina via pli per gudagnar la candidatura.

Candidatura da Trump tant sco segira

Suenter las calculaziuns dad emetturs da televisiun americans ha Trump survegnì 57 vuschs da delegads ord Indiana. Il milliardari è uschia sin curs da cuntanscher las vuschs da delegads necessarias per pudair gudagnar la stad gia en l'emprim scrutini automaticamain la votaziun al di da partida.

Il schef da partida Reince Priebus ha declerà sin twitter, Donald Trump saja il candidat supponì dals Republicans per l'uffizi da president.

Clinton perda cunter Sanders

Tar ils democrats ha Bernie Sanders gudagnà las preelecziuns en il stadi Indiana. Malgrà la terrada resta Hillary Clinton a la testa. Ella ha anc adina cleramain dapli vuschs da delegads che Sanders.

Legenda:
Resultats pre-elecziuns Stadis Unids (stadi dals 8 da zercladur 2016) Tar ils republicans (cotschen) dovra quai 1'237 vuschs da delegads, per vegnir nominà sco candidat. Tar ils democrats (blau) èn quai 2'383 vuschs. washingtonpost.com

RR novitads 6:00