Siglir tar il cuntegn

Header

cuntegn

Exteriur Croazia vul franar fugitivs

La Croazia restrenscha l'entrada en il pajais per fugitivs. La gievgia ha il minister da l'intern croat, Ranko Ostojic, ditg che la Croazia na possia betg prender si dapli fugitivs.

La Slovenia e la Croazia vulan introducir controllas da cunfin pli severas suenter che l'Ungaria ha bloccà il cunfin cun la Serbia.

Fugitivs ston sa registrar per valair sco requirents d'asil

A tuttas persunas cun basegn da protecziun vegnia la cuntinuaziun dal viadi pussibilitada, ha ditg Ostojic. Uschia pon ils fugitivs cuntanscher ils centers da registraziun enturn la chapitala croata Zagreb. Persunas che na fetschian nagina dumonda d'asil vegnian dentant tractadas sco immigrants illegals.

La situaziun s'intensivescha

Enfin uss han radund 6'500 persunas cuntanschi la Croazia. En in lieu han plirs 100 fugitivs empruvà da rumper tras bloccadas da la polizia. Ils blers fugitivs vulan cuntanscher l'Austria u la Germania. Ulteriuras pliras milli persunas vegnan spetgadas ils proxims dis.

RR novitads 11:00 / 17:00

Artitgels legids il pli savens