Exteriur - Croazia: parlament sa schlià - via libra per elecziuns novas
Suenter ina crisa da plirs mais è il parlament sa schlià ed ha uschia fat liber la via per elecziuns novas. L'ultim stausch en la crisa avevan dà renfatschas da corrupziun cunter il schef da la partida HDZ, Tomislav Karamarko che era in dals suppleants dal schef da regenza.
L'emna passada aveva il parlament retratg la confidenza al schef da la regenza Tihmoir Oreskovic. Sia cupitgada ha medemamain confermà la ruptura da la coaliziun da la regenza tranter ils crisitan-conservativs HDZ e la partida dal center-dretg Most. Quai suenter gnanc 5 mais en uffizi.
L'elecziun nova dal parlment duai esser il settember. Cunquai che omaduas partidas èn però quasi tuttina grondas dastgass la furmaziun da la regenza restar difficila.
