La lescha vertenta da l'Italia che na renconuscha betg partenadis omosexuals, cuntrafetschia al dretg uman da resguardar la vita privata e da famiglia, manegia la dretgira a Strasbourg.
Purtà plant avevan 3 pèrs omosexuals da l’Italia. Il Tribunal europeic dals dretgs umans ha ussa decidì, che l’Italia stoppia pajar a mintga persuna in’indemnisaziun da 5’000 euros. L’Italia è in dals davos pajais da l’Uniun europeica che na renconuscha betg partenadis da medema schlattaina.
Il schef da la regenza taliana, Matteo Renzi, na vul nagina lètg per omosexuals. Persuenter vul el introducir fin la fin da l’onn la pussaivladad d’in partenadi registrà per persunas omosexualas.
RR Novitads 15:00