Siglir tar il cuntegn

Header

cuntegn

Exteriur Critica – Giavisch da pasch manca en Ucraina

Ni l'armada ucranaisa ni ils rebels pro-russ respectian la pausa da cumbat en l'Ucraina da l'ost. Ils surpassaments sajan la norma, crititgescha il Svizzer Alexander Hug, ch'è substitut dal manader da la cumissiun d'observaziun da l'OSCE.

El na vesia nagina veglia da terminar las ostilitads, ha ditg Hug en in'intervista en la gasetta «La Liberté». Era las armas grevas na vegnan betg retratgas, quai è in auter punct da la cunvegna da Minsk che na vegnia betg realisà.

L'impediment grond ch'impedeschia da retrair las armas saja la fidanza mancanta tranter las partidas da conflict. Ils rebels pro-russ smanatschan savens cun la mort als 525 observaders d’OSCE.

RR novitads 9:00

Artitgels legids il pli savens