Crisa da fugitivs: Alexis Tsipras rampluna cunter l'Austria

Il primminister grec crititgescha plirs stadis commembers da l'Uniun europeica e cunzunt l'Austria per lur tenuta en la crisa da fugitivs.

Il primminister grec Alexis Tsipras en il parlament grec.

Legenda da maletgs: Tsipras n'è betg cuntent cun la politica d'asil da plirs stadis commembers da l'UE. Keystone

La Grezia vul bloccar las decisiuns da l'Uniun europeica sch'ella na vegnia betg distgargiada en la dumonda da fugitivs. Quai ha annunzià il primminister Alexis Tsipras. I saja inacceptabel ch'i dettia pajais che na prendian si nagins migrants, construeschian dentant saivs.

Sco vargugna ha Tsipras titulà il fatg che l'Austria era sa cunvegnida cun 9 auters pajais, senza participar la Grezia, da laschar passar damain fugitivs. Quai malgrà ch'ins aveva decis a l'inscunter da l'UE dad agir communablamain en la crisa da fugitivs.

Betg envidads eran la Grezia, l'UE u la Germania. Quai malgrà ch'ins aveva decis a l'inscunter da l'UE dad agir communablamain en la crisa da fugitivs.

RR novitads 06:00