La cuntrabanda cun umans è ina fatschenta lucrativa, sco Europol scriva incasseschian ils criminals fin a 6 milliardas euros cun lur agir criminal. Ils daners vegnan fatgs cun purtar ils fugitivs sur il cunfin en l’Europa. Las entradas vegnan anc a s’augmentar quai cunzunt sche la crisa da fugitivs cuntinueschia anc vinavant, scriva Europol. Las entradas dals cuntrabandists pudessan sa dublegiar ni schizunt sa multiplitgar cun 3. La polizia europeica Europol ha dapi l’onn passà identifitgà e arrestà radund 12’000 persunas involvidas en ina moda u l’autra en la cuntrabanda cun umans.
RR novitads 20:00