Siglir tar il cuntegn

Header

cuntegn

Criminalitad Attatga da cyber sin IKRK

Il Comité internaziunal da la Crusch Cotschna (IKRK) è daventà l'unfrenda d'ina gronda attatga da hackers. Datas persunalas ed infurmaziuns confidenzialas da passa in mez milliun persunas fitg vulnerablas èn vegnidas enguladas. Quai scriva l'IKRK sin sia pagina d'internet.

IKRK appelescha als hackers

Il directur dal IKRK, Robert Mardini ha detg che l'attatga da cyber pericliteschia anc pli fitg, la glieud ch'è dependenta d'agid umanitar. Plinavant ha el appellà als hackers da far il dretg, e da na betg dar vinavant, vender ni duvrar sin autra moda las datas. I giaja per la vita da carstgauns, ch'hajan gia patì nunditga dolur.

Il Comité internaziunal da la Crusch Cotschna n'ha mument nagins indizis davart tgi che possia avair fatg l'attatga da cyber.

audio
Per tadlar curt e cumpact
ord RTR Audio dals 20.01.2022.
laschar ir. Durada: 1 minuta 2 Secundas.

RTR novitads 06:00

Artitgels legids il pli savens