Siglir tar il cuntegn

Header

Navigaziun

Migrants fruntan cun la polizia franzosa cura che questa attatgan la saiv dal champ da fugitivs numnà «tschungla» a Calais.
Legenda: Migrants fruntan cun la polizia franzosa cura che questa attatgan la saiv dal champ da fugitivs numnà «tschungla» a Calais. Keystone
cuntegn

Exteriur Cravals en la «tschungla» a Calais

En il champ da fugitivs a Clais en Frantscha hai curt avant la rumida dà cravals.

Tenor in emettur da novitads franzos, haja ina gruppa da plirs tozzels persunas bittà crappa sin policists. Quels sajan sa dustà cun gas lacrimogen. La regenza franzosa vul cumenzar gliendesdi a rumir il champ da fugitivs. En il champ, era numnà «tschungla», vivan radund 6500 persunas.

Ils fugitivs duain vegnir repartids en auters champs en l'entir pajais. Las autoritads supponan ch'i haja rodund 200 activists dal moviment da «No-Border» en il champ. Quels sa mettan en per in mund senza cunfins.

Il champ è gia da ditg in simbol per la crisa da fugitivs damai ch'il champ avess plaz per bler pli paucas persunas che questas 6500 ch'èn là.

RR novitads 09:00