Siglir tar il cuntegn
cuntegn

Exteriur Cravals al pass dal Brenner

Danovamain èn demonstrants e polizia vegnids en ils chavels in a l'auter. I va per las controllas da cunfin che l'Austria planisescha.

Demonstrants al pass dal Brenner - la polizia cun chapellinas blauas
Legenda: Al pass dal Brenner èn demonstrants e polizia vegnids en ils chavels in a l'auter Keystone

Tschients da demonstrants talians èn sa rimnads al Brenner per protestar cunter las controllas da cunfin che l'Austria vul introducir. Ils activists han attatgà la polizia cun fieus artificials. La polizia è sa dustada cun gas lacrimogen cunter ils radund 500 demonstrants.

Las emnas passadas han activists gia demonstrà duas giadas al Brenner cunter las controllas da cunfin planisadas.
Cun questas controllas vul l'Austria far frunt a l'unda da fugitivs.

RR novitads 20:00