Siglir tar il cuntegn

Header

cuntegn

Covid-19 Passa 330'000 persunas infectadas en il mund

En l'entir mund èn gia prest 330'000 persunas s'infectadas cun il coronavirus. Stgars 14'400 persunas èn gia mortas entras la malsogna dal lom Covid-19 ch'il virus chaschuna. En Europa è la situaziun en Italia ed en Spagna la pli dramatica.

La regenza spagnola ha annunzià dumengia prest 400 novs morts e cun quai in augment da 30% sin 1'720, cumpareglià cun il di avant. La marca d'infecziuns vegnia pli datiers dals 30'000.

Il mender vegn anc.
Autur: Pedro Sanchezprimminister da la Spagna

Dumengia ha el declerà ch'el vegnia a proponer al parlament da prolungar il scumond da sortir, fin ils 11 d'avrigl.

En Italia èn 59'138 persunas s'infectadas uffizialmain fin dumengia saira e 5'476 persunas èn mortas. Almain 17 medis èn morts dapi l'entschatta da l'epidemia en l'Italia. Dumengia hai era dà l'emprim medi en Frantscha ch'è mort dal virus.

14 pajais europeics controlleschan cunfins

Pervi da la crisa da corona han er la Belgia ed il Luxemburg decidì da controllar lur cunfins. En total controlleschan uschia gia 12 pajais da l'UE sco era la Svizra e la Norvegia lur cunfin. Questa mesira ha chaschunà l'emna passada colonnas enormas avant ils cunfins aifer l'Europa. Tranter la Germania e la Pologna è il traffic per part stagnà sin 60 kilometers. L'UE aveva avertì la fin d'emna che camiuns cun rauba impurtanta sajan bloccads.

Cifras Svizra

  • Persunas testadas positiv: 13'152
  • Persunas mortas: 235

(stan 28 da mars 2020, 14:00, BAG)

Grischun

  • Cas confermads : 598
  • Pazientas en ospitals: 60
  • Persunas mortas: 27

(stan 3 d'avrigl 2020, Chantun GR)

Ord l'archiv da SRF:

Video
L'Italia ha entant dapli morts pervi dal coronavirus che la China
Or da Tagesschau dals 20.03.2020.
laschar ir

RTR novitads 06:00

Artitgels legì il pli savens

Nach links scrollen Nach rechts scrollen