Furmar ina regenza transitorica en l'Italia na va betg uschè spert sco quintà. Carlo Cottarelli n'ha anc betg pudì preschentar al president dal pajais Sergio Mattarella ina glista da ministers.
In pledader ha ditg che Cottarelli e Mattarella s'inscuntrian damaun anc ina giada. El ha er dementà rapports da medias che Cottarelli veglia dar enavos il mandat da furmar ina regenza. Las agenturas da novitads Reuters ed Ansa rapportan che Cottarelli pondereschia da desister sin ina regenza transitorica. Uschia faschess el liber la via per elecziuns novas la fin da fanadur.
