Siglir tar il cuntegn
Inhalt

Exteriur Cosovo s'avischina a l’UE

Il Cosovo ha suttascrit ina uschè numnada cunvegna da stabilisaziun ed associaziun cun l’Uniun europeica ed uschia fatg in impurtant pass en direcziun adesiun da l’UE.

Bandieras dal Cosovo.
Legenda: Fin ussa era il Cosovo l’ultim stadi dal Balcan dal vest che n’aveva betg ina tala cunvegna. Keystone

Il schef da la regenza Isa Mustafa e represchentants da l’UE ha suttascrit la cunvegna a Strassburg. Quella duai esser la basa per ina collavuraziun politica, economica e commerziala pli stretga.

Fin ussa era il Cosovo l’ultim stadi dal Balcan dal vest che n’aveva betg ina tala cunvegna e na disponiva uschia er betg dad ina libertad da visum per viadis en il territori da Schengen.

RR novitads 15:00