Siglir tar il cuntegn
Inhalt

Exteriur Corsica - ils naziunalists han cuntanschì ina clera maioritad

La glista «Pè a Corsica» vegn sin 56 pertschient da las vuschs en la segunda runda da las elecziuns regiunalas. Quai han las autoritads da l'insla franzosa communitgà.

Jean-Guy Talamoni (san) e Gilles Simeoni dals naziunals avant lur adherents.
Legenda: Jean-Guy Talamoni (san) e Gilles Simeoni dals naziunals han gì success tar la elecziuns regiunalas. Keystone

Quest resultat pudess esser ina sfida per il president franzos Emmanuel Macron. Uss sto el decider sche la Frantscha dat giu tschertas parts da la controlla sur da l'insla Corsica.

Ils naziunalists han trais pretensiuns principalas

Els vulan che la lingua corsa vegnia renconuschida tuttina sco il franzos. Plinavant pretendan els in'amnestia per praschuniers che valan per els sco praschuniers politics. La terza pretensiun dals naziunalists è ch'els vulan mesiras per cumbatter la speculaziun d'immobiglias or da l'exteriur.

Uss pretendan els in dialog cun la regenza a Paris.

RR novitads 06:00