La Svizra gida la Tunesia ed ha tramess 15 apparats da respiraziun sco era radund 60 concentraturs d'oxigen. Quai en la valita da 335'000 francs. La Svizra sustegna la Tunesia, cunquai ch'igl ha dà l'entschatta fanadur 8'000 enfin 10'000 novas infecziuns per di cun il coronavirus. I manca urden medicinal sco era vaccinaziuns.
In aviun dal transport aviatic da la Confederaziun è partì venderdi cun la rauba d'agid da Dübendorf a Tunis. Là vegnan els spetgads d'autoritads localas e suenter repartids sin differents posts.
Igl è gia la 5avla furniziun da rauba d'agid entaifer intginas emnas. L'Agid umanitar dal Departement federal d'affars exteriurs (DFAE), ha gia tramess concentraturs d'oxigen ed apparats da respiraziun en la Mongolia, l'India, Sri Lanka ed il Nepal.
