Siglir tar il cuntegn

Header

audio
Vaccinar via nas
Or da Co e cum dals 06.04.2021.
laschar ir. Durada: 2 minutas 55 Secundas.
cuntegn

Corona Vaccinar via nas cunter il coronavirus

Differentas spezialistas èn vid experimentar vid in vaccin cunter il coronavirus, ch’ins po sprizzar en il nas sco in spray cunter la strucca.

Enstagl d’ina piztgada en il bratsch, in simpel spray ch’ins sprizza dal nas siadora. Uschia duai il nov vaccin cunter il coronavirus funcziunar. Insatge nov n’è quest sistem betg. gia dapi in pèr onns pon uffants e giuvenils da la Germania sa laschar vaccinar cunter la grippa via il nas. Tenor la Organisaziun mundiala da sanadad WHO sajan uss passa tschintg producents vid experimentar vi d'ina tala varianta da vaccinar cunter Covid-19.

Ils avantatgs

Il professur Ulrich Lauer da l'Ospital universitar da Tübingen, ha ditg la stad passada envers las medias da la Germania ch’in vaccin tras il nas saja ina buna varianta per evitar «superspreaders». Pia persunas ch’infecteschan fitg bleras autras persunas quasi il medem mument.

La raschun saja, ch’entras il spray na possia il virus betg surviver uschè bain en la zona dal nas e la gula ed uschia er betg vegnir repartì uschè svelt. In’autra raschun per la vaccinaziun entras il nas saja che bleras persunas hajan tema da sprizzas e ch’ins possia uschia vegnir encunter ad ellas. Vinavant saja in tal spray pli bunmartgà ch’ina sprizza e pli simpel d’applitgar, scriva tranter auter il portal online Watson.

Davent da cura?

Watson scriva che la perscrutaziun ed il svilup dal vaccin via nas dettian dapli lavur ch’in vaccin che vegn squittà en il bratsch. Uschia giaja quai passa dus onns enfin ch’il vaccin possia vegnir testà vid las emprimas persunas ed enfin quatter onns, fin ch’il vaccin saja pront. Dentant possia er esser che l’entir process giaja sco tar la squitta pli spert che pensà.

In vaccin per tut ils virus

Spezialistas van da quai ora ch’il coronavirus resta tar nus per adina, uschia sco la grippa. Perquai èn differents teams, uschia era in immunolog da Constanza, vi da perscrutar in vaccin che gida cunter tut ils virus. Pia cunter Covid-19, las mutaziuns sco er la normala grippa. E quai vaccin duain ins era pudair sprizzar en il nas. Las perscrutaziuns sajan dentant anc a l’entschatta e l’immunolog Marcus Groettrup da Constanza, na possia perquai betg dir quant ditg ch’i giaja enfin che quai vaccin saja pront, vegn quel cità en il magazin Stern.

RTR actualitad 11:00

Artitgels legids il pli savens