Siglir tar il cuntegn

Header

Navigaziun

cuntegn

Exteriur Corea dal Nord: Test cun nov motor da rachetas

Il pajais isolà cuntinuescha cun ses program da rachetas atomaras malgrà la massiva critica internaziunala.

Corea dal Nord.
Legenda: La Corea dal Nord cuntinuescha cun ses program atomar malgrà tut la critica internaziunala. Keystone

Tenor in rapport da l'agentura da novitads statala KCNA haja il schef dal stadi Kim Jong Un surveglià glindesdi in test cun in nov motor da rachetas per transportar satellits en l'univers.

La finamira da la direcziun a Pjöngjan saja che la Corea dal Nord daventia ils proxims onns gestiunaria da satelits geo-staziunars. Malgrà la greva situaziun economica fetschia il pajais gronds svilups tecnics, scriva l'agentura vinavant.

Avant duas emnas aveva la Corea dal Nord fatg ses totalmain tschintgavel test atomar. La situaziun en la regiun vala dapi in temp sco tendida. Gia la primavaira avevan ils Stadis Unids e l'ONU rinforzà lur sancziuns cunter la Corea dal Nord.

RR novitads 07:00