Siglir tar il cuntegn
Inhalt

Exteriur Corea dal Nord pronta per discurs cun la Corea dal Sid

L'emna proxima duai tenor indicaziuns da Seoul avair lieu in inscunter tranter la Corea dal Nord e la Corea dal Sid. La Corea dal Nord è sa declerada pronta. Discurrer veglian ils dus pajais davart dumondas logisticas.

Kim Jong Un.
Legenda: Il davos temp èn ils dus pajais s'avischinads. Keystone

Seoul e Pyeongchang l'inscunter l'emna proxima en il lieu da cunfin Panmunjom per discurrer davart dumondas logisticas en connex cun l'inscunter suprem dals dus pajais ch'è planisà per la fin avrigl. Ils pajais vegnian ad esser represchentads tras mintgamai trais delegads, declera il ministeri da defensiun sidcorean.

Ils delegads duain fixar in plan da temp exact e discurrer davart pussaivels inscunters tranter ils dus presidents. Dapi l'entschatta da l'onn èn la Corea dal Sid e la Corea dal Nord puspè s'avischinadas. Quai er grazia als gieus olimpics a Pyeongchang.

Metter fin a smanatscha nucleara

La finamira da l'inscunter suprem è tenor il president sidcorean da meglierar las relaziuns bilateralas tranter ils dus pajais e da discurrer davart la restricziun dal program atomar da la Corea dal Nord. Ins stoppia metter fin a la smanatscha nucleara sin la peninsla.

Inscunters suprems

Dapi la fin da la guerra da la Corea (1953) hai dà dus inscunters suprems intercoreans. In il 2000 ed in il 2007.

Era planisà è in inscunter dal president american Donald Trump cun il manader nordcorean Kim Jong Un. Quel duai il pli tard avair lieu la fin da matg.

RR novitads 07:00