Siglir tar il cuntegn
Inhalt

Exteriur Corea dal Nord: Nov test da racheta spaventa la UNO

La regenza a Pjöngjang haja testà tenor atgna descripziun ina racheta ballistica a mesaun-lunga distanza. La USA, Japan, China e la Russia criticheschan quai.

Ina racheta deterra d'in lac
Legenda: Da siglientar en l'aria: Il pli nov test da racheta da la Corea dal Nord tenta la Russia, China, Japan e la USA. Keystone

Suenter il test da rachetas da la Corea dal Nord pretenda il president da la USA Donald Trump, ch'i dettia bainprest ina sesida extraordinaria dal cussegl da segirezza da las Naziuns Unidas (ONU). Probabel vegnia questa sesida anc ad avair lieu glindisdi, communitgescha la ONU.

La regenza a Pjöngjang aveva testà tenor atgna descripziun ina racheta ballistica a mesaun-lunga distanza. La USA, Japan, China e la Russia criticheschan quai.

Moskau e Tokio appelleschan, Peking è irrità

Moscau valiteschia il test da rachetas sco in surpassament da resoluziun da l'ONU cunter il pajais communist, quai ha communitgà il ministeri da l'exteriur russ. La Russia appellescha a tuttas varts da restar calm per impedir in'ulteriura escalaziun. La pasch en la regiun saja da cuntanscher sulet cun ina schliaziun politica en la dispita d'atom cun la Corea dal Nord.

Japan è dal maini ch'ins possja discutar novas sancziuns encunter la Corea dal Nord a la sesida da la ONU. La regenza da Tokio appellescha a China per ina collavuraziun constructiva.
China è bain in central partenari commerzial ed allià da Corea dal Nord, ma era a Peking er'ins sa mussà irritads dals tests da rachetas dal pajais vischin.

La Corea dal Nord aveva en il davos temp adina pli savens cuntrafatg cun tests da rachetas a las resoluziuns da la ONU.

RR novitads 12:00