Corbyn è reelegì cler sco president da la Labour

En Gronda Britannia ha la partida Labour reelegì cun gronda maioritad l’actual schef da partida Jeremy Corbyn. Bun 61,8% dals commembers da la partida han sustegnì Corbyn al di da partida a Liverpool.

corbyn auza il pollesch

Legenda da maletgs: Jeremy Corbyn triumfescha suenter sia reelecziun a Liverpool. Reuters

Jeremy Corbyn ha survegnì 313'209 vuschs (61,8%), ses cuntracandidat Owen Smith 193'229 vuschs (38,2%). Uschia ha Corbyn gudagnà anc pli cler che l'onn passà (59,5%). Dapi lura è la partida dividida.

Popular tar la basa – dispittaivel en il parlament

Surtut suenter la votaziun cun il gea al «Brexit» era Corbyn adina puspè vegnì crititgà aifer la partida. Concret ch'el na saja betg engaschà avunda per che la Gronda Britannia restia commember da l'Uniun europeica.

Il socialist Corbyn è popular tar la basa e tar ils sindicats. En il parlament è'l però dispittaivel, cunzunt pervi da sia tenuta sanestra. La chombra dals deputads aveva decidì in votum da disfidanza vers Corbyn cun ina maioritad da ¾.

RR novitads 14:00