La primministra dal Danemarc, Helle Thorning-Schmidt ha ditg ch'els insistian sin la libertad e guardan in da l'auter. Ella ha punctuà, ch’ils Danais duain returnar en lur vita quotidiana. Il directur da la communitad gidieua, Dan Rosenberg ha appellà a Muslims e Gidieus da sa tegnair ensemen. L’extremissem saja lur sfida communabla.
Polizia fa controllas sistematicas
Entant han policists fatg controllas sistematicas en in quartier d'abitar a Copenhagen, rapporta in radio danais. En quest quartier duai avair vivì l'attentader che ha sajettà giu dus persunas las sonda a Copenhagen. La polizia ha confermà ch'in um saja scappà dals investigaders.
