Siglir tar il cuntegn

Header

Navigaziun

Fabrice Leggeri.
Legenda: Tenor Leggeri èn dapi l’entschatta da l’onn vegnidas registradas 630’000 migraziuns illegalas en l’UE. Keystone
cuntegn

Exteriur Coordinar forzas per proteger cunfins

L'agentura per ils cunfins europeics Frontex appellescha da segirar ils cunfins da l'Uniun europeica communablamain. Tenor il schef da Frontex, Fabrice Leggeri, duain ils stadis commembers trametter polizia als cunfins exteriurs da l'UE enstagl da staziunar la polizia als agens cunfins.

Ils «vairs cunfins» sajan a l'insla taliana Lampedusa, sin l'insla greca Lexbos ubain era en il Maroc, ha ditg Leggeri en in'intervista en las medias franzosas.

Coordinar la protecziun dals cunfins

Sche mintga stadi veglia rugalar la crisa da fugitivs mo aifer ses agens cunfins enstagl da coordinar las forzas cun auters stadis commembers, lura vegnian ils fugitivs a migrar dad in stadi a l'auter, uschia Leggeri.

Plinavant ha el crititgà che be 39% da las expulsiuns ordinadas or da l’UE vegnian realisadas. La raschun per quai saja cunzunt ch’ils pajais d’origin refusian da puspè retschaiver ils migrants.

RR novitads 06:00