La dumengia è in convoi d'agid svizzer sa mess sin viadi vers l'ost da l'Ucraina. 31 camiuns plain chemicalias per preparar aua da baiver e medicaments han bandunà Dnipropetrowsk en l'Ucraina centrala en direcziun Mariupol e Donezk.
Tenor il manader da la squadra transporta il convoi bunamain 500 tonnas rauba d’agid. Quest onn hai gia dà plirs da quels convois svizzers cun agid umanitar.
Dal conflict en l'ost da l'Ucraina èn passa 5 milliuns umans pertutgads. 1,4 milliuns èn vegnids stgatschads entaifer il pajais. 1,1 milliuns fugitivs ucranais èn vegnids registrads en ils pajais vischins.
