Siglir tar il cuntegn
Inhalt

Exteriur Controllas da cunfin custan milliardas

Pervi da l'unda da fugitivs en l'Europa patescha l'economia. La prestaziun economica da l'Europa saja sa reducida per 9 enfin 15 milliardas euros ad onn, scriva la «Süddeutsche Zeitung» cun sa referir sin in studi la l'institut Ifo a Minca.

Dus umens che tegnan numerus pass sirians ed iracais enta maun
Legenda: Las controllas als cunfins dovran temp Keystone

Entras temps da spetga pli lungs s'augmentan ils custs da transport e quai fetschia che la rauba vegnia pli chara. A la fin dals quints sa reduceschia il commerzi concluda il studi. La situaziun als cunfins tegnia er davent turists ed impedeschia diversas firmas da furnir lur rauba «just in time».

Excepziuns fan donn

Dapi la stad da l'onn passà han la Svezia, la Frantscha, la Germania e l'Austria pretendì excepziuns tar la cunvegna da Schengen per pudair controllar ils fugitivs als cunfins. Sche quellas controllas vegnian extendidas sin tut ils 22 pajais da Schengen lura quinta l'institut Ifo cun perditas da 27 enfin 65 milliardas euros ad onn.

RR novitads 7:00