Siglir tar il cuntegn

Exteriur Contractivas da pasch senza cundiziuns preliminaras

La Siria è pronta per discurs da pasch senza cundiziuns preliminaras, quai ha la regenza communitgà en discurs cun l'incumbensà spezial da l'ONU Staffan de Mistura. Ils discurs duain cumenzar ils 15 d'avrigl a Genevra.

Staffan de Mistura
Legenda: L'incumbensà spezial da l'ONU Staffan de Mistura aveva discurrì cun il minister da l'exteriur sirian Walid al-Muallim. Keystone

L’ultima runda da contractivas n'aveva betg purtà grond progress ed era vegnida interrutta ils 23 da mars. Il minister da l'exteriur sirian aveva discurrì cun De Mistura.

Tenor in rapport aveva el rinfatschà als rebels da violar sistematicamain la pausa da cumbat, quai sin incumbensa da la Tirchia e l'Arabia Sauidta per uschia impedir las contractivas da pasch.

RR novitads 15:00