Exteriur - Consultaziun davart agid finanzial per la Grezia
Ils commembers da la gruppa da l’euro han annunzià per mesemna da sa cussegliar sur d’ina proposta per agid finanzial a la Grezia. En ina conferenza telefonica vegnian ins discutar sur d’in program d’agid a media vista, ha ditg il schef da la gruppa da l’euro Jeroen Dijsselbloem.
La gruppa da l’euro spetga uss claras propostas da la regenza grecca. Il minister da finanzas da la Finnlanda Alexander Stubb aveva declerà che la Grezia vegnia anc mardi saira a far la dumandà per in credit nov. Era la chanceliera tudestga Angela Merkel ha signalisà ch'ella quintia cun ina schliaziun il proxim temp
