Siglir tar il cuntegn
cuntegn

Exteriur Conservativs perdan maioritad absoluta en il Portugal

En il Portugal ha la coaliziun da la regenza dal center-dretg bain gudagnà las elecziuns, però betg sin l'entira lingia. La coaliziun dal primminister Pedro Passos Coelho resta la forza la pli ferma en il parlament, ha dentant pers la maioritad absoluta.

Il primminister portugais Pedro Passos Coelho.
Legenda: Il primminister portugais Pedro Passos Coelho suenter l'annunzia dals resultats. Keystone

Las partidas da l'opposiziun sanestra han en la summa passa la mesadad dals sezs en il parlament. Questas partidas cumbattan la politica da sanaziun e la politica da spargn.

Coaliziun center-dretg perda passa 10% da las vuschs

La constellaziun en il parlament saja bain ina sfida, ha ditg il primminister Coelho a Lissabon. El saja però pront da furmar ina nova regenza. Avant 4 onns avevan ils conservativs anc survegnì radund 50% da las vuschs, quest onn dentant 38,6%.

RR novitads 06:00