Suenter che l'Iran ha attatgà basas militaras en l'Irac, ha il president american Donald Trump uss annunzià ulteriuras sancziuns economicas cunter l'Iran, ma nagina vendetga militara. Ils Stadis Unids na vegnian betg a laschar senza resposta las agressiuns da l'Iran, ha declerà Trump en in pled en la Chasa alva.
En pli ha Trump ditg ch'i n'haja betg dà morts pervi da las attatgas cun rachetas iranaisas sin las duas basas militaras en l'Irac, nua ch'era schuldads americans èn staziunads. Quai grazia ad in sistem da preavertiment che haja funcziunà bain.
Il president american ha ultrà da quai annunzià ch'el veglia intimar la NATO da contribuir dapli al process en il Proxim Orient.
RTR novitads 18:00