Siglir tar il cuntegn
Inhalt

Exteriur Conflict en l'Orient Proxim

Suenter ils tumults en l'Orient pervi da la dispita davart Jerusalem, resta il quità ch'i vegnia a dapli violenza. Ier èn duas persunas mortas e pliras tschient persunas èn vegnidas blessadas.

Plirar persunas che portan ina persuna blessada.
Legenda: Conflict en l'Orient Proxim. Keystone

Il venderdi èn millis Palestinais ids sin via suenter las uraziuns a Jerusalem, en la Cisjordania ed en la Strivla da Gaza. Els èn malcuntents ch'ils Stadis Unids han renconuschì Jerusalem sco chapitala da l'Israel. Igl ha dà diversas confruntaziuns cun la polizia.

En la Strivla da Gaza èn dus Palestinais morts ed almain 760 persunas èn vegnidas blessadas – quai tenor rapport da la gasetta «Haaretz». Aviuns da cumbat israelians han attatgà lieus en la Strivla da Gaza durant la notg sin sonda.

Trump ha appellà da restar calm

En vista als tumults, ha il president american Donald Trump appellà da restar calm. Tenor il pledader da Trump, veglia Trump a lunga vista vinavant cuntanscher la pasch tranter ils Israelians e Palestinais.

RR novitads 06:00