En Rumenia han las autoritads confiscà passa 100 maletgs en connex cun las inquisiziuns da corrupziun cunter l'anteriur minister da finanzas Darius Valcov. Tranter quels sa chattian era maletgs da Pablo Picasso ed Andy Warhol, sco quai che las autoritads communitgeschan.
I dettia indizis che Valcov haja cumprà indirectamain quests maletgs entras fatschentas dubiusas. La mesemna era Valcov vegnì arrestà. Pervi da las rinfatschas da corrupziun era el sa retratg da ses uffizi avant stgars duas emnas.
Ad el vegni rinfatschà d'avair prendì 2 milliuns euros daners da corrupziun tranter 2010 e 2013 en sia funcziun sco burgamester da Slatina. Perencunter haja el dà pliras incumbensas publicas a firmas privatas.
RR novitads 11:00