Exteriur - Conferenza dal clima vegn prolungada per in di
La conferenza dal clima da l'ONU vegn prolungada per in di, communitgescha il presidi franzos da la conferenza. La gievgia saira ha il minister da l'exteriur franzos Laurent Fabius preschentà in nov sboz per la cunvegna.
Quel duai vegnir discutà en las delegaziuns e la sonda duai dar in text definitiv che po lura vegnir deliberà il decurs dal di. Il nov text cuntegn sper la finamira da limitar il stgaudament da la terra sin 2 grads, era ina limita da 1,5 grads – quai sin giavisch dals stadis d'insla pitschens ed er sulet sco finamira supplementara.
